ТАССРның 100 еллыгы
Балтач сәхнәсен "Балкыш" балкытты (+бик күп фото)
"Балкыш" фестиваленең район туры тәмамланды.
Кичә 6 тапкыр үткәрелүче "Балкыш" фестиваленең гала-концерты үтте. 12 март көнне безнекеләрне зона этабы көтә. Кукмарада узучы бәйгедә Балтачның иң яхшы 10 номеры тәкъдим ителәчәк.
Район этабында быел 300 якын ветеран катнашкан. Бәйге дүрт зонада - Кили, Борнак, Субаш, Нөнәгәр мәдәният йортларында узган.
- Чыгышлар елдан-ел камилләшә, репертуарлар үзгәрә. Быелгы бәйгедә безне Субаш, Арбор мәдәният йорты тәкъдим иткән чыгышлар сокландырды. Алар әзерлекле, уйланылган, бүген үк финал ярышларында чыгыш ясарлык, - дип үз бәясен бирде жюри вәкиле Нурия Галләметдинова.
Кичә исә зоналарда җиңү яулаган иң яхшы номерлар гала-концертта Балтач тамашачысына тәкъдим ителде. Биетте, җырлатты, елатты, моңландырды, уйландырды өлкәннәребез.
-Күңел түреннән чыккан ихлас хисләр аша башкарган номерлар тамашачы күңеленә барып җитте. Бернинди фонограммасыз башкарылган җырлар, тирән эчтәлекле шигырьләр, милли биюләр республикабыздагы юбилей даталарын тулысынча ачып бирде. Рәхмәт сезгә! - диде район башкарма комитеты җитәкчесе урынбасары Илһам Гайнетдинов концерт ахырында.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Галерея
Оставляйте реакции
Нет комментариев