Татарстанда алкоголь белән агулану очраклары кимегән

Татарстан буенча Роспотребнадзор идарәсе мәгълүматлары буенча, 2026 елның беренче дүрт аенда төбәктә алкоголь һәм спиртлы эчемлекләр белән кискен агулануның 155 очрагы теркәлгән. Бу узган мондый 193 очрак теркәлгән булган.

Зыян күрүчеләрнең төп өлешен 18 яшьтән өлкәнрәкләр тәшкил иткән – 89,7%. 15-17 яшьлек балигъ булмаганнарга — 2,6%, балаларга – 7,7% туры килгән. Зыян күрүчеләр арасында ир-атлар өстенлек итә – аларның өлеше 73,5%ка җиткән.

Агуланучылар арасында эшләмәүче гражданнар шактый өлешне тәшкил итте – 33,5%. Эшләүчеләр – 18%, пенсионерлар — 10,9%. Шулай ук статистикада укучылар (7%) һәм студентлар (3,2%) күрсәтелгән.

Алкоголь продукциясе белән агуланудан үлүчеләр саны 100 мең кешегә 1,8 очрак тәшкил итте.

Вести Татарстан