Татарстанда ике елга тугайдан читкә чыккан
Татарстанда елгаларда су дәрәҗәсе узган тәүлектә 15-29 сантиметрга арткан. Иж һәм Кубня елгаларында су биеклеге тугайга чыгу билгесеннән артып киткән. Бу хакта РФ Гадәттән тыш хәлләр министрлыгының ТР буенча Баш идарәсендә хәбәр иттеләр
Ведомство мәгълүматлары буенча, Шошма, Мишә, Иж һәм Нократ елгаларында күтәрелешнең тәүлеклек интенсивлыгы 19-47 см дан 122 сантиметрга кадәр. Калган елгаларда үткән тәүлектә 3 сантиметрдан 77 сантиметрга кадәр тизлектәге су басу дулкынының биеклеге кимүе күзәтелгән.
Кубняда су биеклеге тугайга чыгу тамгасыннан 116 см га артып киткән һәм күпьеллык уртача күрсәткечләрдән 4 сантиметрга югарырак тора. Шулай ук тугайдан 26 см га артыграк Иж елгасы чыга, аның су дәрәҗәсе күпьеллык уртача күрсәткечләрдән 82 сантиметрга югарырак. Берсут елгасында су тугайга чыгу дәрәҗәсеннән 20 см га түбәнрәк, калган елгаларда 64-454 сантиметрга түбәнрәк төшкән.
Исегезгә төшерәбез, элегрәк билгеле булганча, Татарстанда дүрт районда биш тәбәнәк күперне су баскан. Моннан тыш, биш торак пунктта 31 йорт яны кишәрлеген һәм өч районда өч грунтлы юлны су баскан иде. Казан Башкарма комитетының Гражданнарны яклау идарәсе башлыгы Сергей Чанкин хәбәр иткәнчә, Казан буенча бердәм дежур-диспетчерлык хезмәтенә су басу турында 75 хәбәр килгән.
Бизнес онлайн
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев