Кредитларны гафу итәргә җыеналар
Бу кемнәргә кагылачак?
Дәүләт Думасында кредитлары күп булган русиялеләрнең бурычларын гафу итәргә өндиләр.
«Дәүләтнең акчасы бар, гражданнарга ярдәм итәргә кирәк, ә читтән карап тормаска», - ди «Гадел Русия» фракциясе башлыгы Сергей Миронов.
Миронов фикеренчә, илдә «кредит амнистиясе» үткәрергә кирәк, югыйсә, бурычлар белән килеп туган хәл социаль шартлауга китерергә мөмкин.
Депутат билгеләп үткәнчә, коронавирус пандемиясе аркасында гражданнарның матди хәле начарайган һәм күбесе «чын кабалада» булып чыккан.
Сергей Миронов, кризис вакытында властьлар гражданнарга ярдәм кулын сузарга тиеш, дип ассызыклый.
Элегрәк ул, Русиядә микрофинанс оешмаларын тыярга кирәк, дип белдерде. Ул билгеләп үткәнчә, болар - кешеләрнең финанс грамотасызлыгыннан файдалана һәм аларга гаять зур процентлар белән кредитлар бирә торган мошенник структуралар, цивилизацияле илдә алар булырга тиеш түгел.
Фото: pixabay.com ; автор: Резеда Галикәева
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев