Кичке чәйгә карлы “сметанник” пирогы

Кирәк булачак: 200 гр 15 процентлы каймак, 4 йомырка агы, 120 гр дөге оны, 10 гр мәк, баллаткыч, 1 чәй кашыгы камыр кабарткыч, 50 гр су.

Крем өчен: 200 гр йомшак эремчек, 50 гр 15 процентлы каймак, 50 гр эремчекле сыр, баллаткыч, миндаль тәңкәчекләре. ⠀⠀⠀⠀⠀
Башта корж ясыйбыз. Моның өчен йомырка агыннан кала барлык әйберләрне дә болгатабыз. Йомырка агын аерым күпертеп, аннан камырга кушабыз һәм акрын гына болгатабыз.

Коржны 180 градуслы духовкада 40 минут чамасы пешерәбез. Әзер коржны азык-төлек пленкасы белән чорнап, корж суынганчы тотабыз. Аннан аны өч өлешкә бүләбез.

Бу вакытта крем әзерлибез. Моның өчен барлык ингредиентларны да болгатабыз һәм тортны җыябыз. Өстенә миндаль тәңкәчекләре сибәбез.

Әзер “сметанник”ны төнгегә суыткычта калдырабыз.

Чыганак