Али ке но оско
Ципья поселениын кылем арын ӟеч уж лэсьтӥллям - музейлэн коллективеныз ӵош вунонтэм ӝыт ортчытӥллям. 1941-1945-тӥ аръёсы вордскем нылпиосын пумиськон луэм со. Туж сюлме пыӵамон, мур пуштросъем луиз, шуизы.
Мон ачим, та пумиськон сярысь кылэме бере, солэн азинсконэз луоз, та кичӧлтонэз умоен лыдъялозы шуыса вити. 1941-1945-тӥ аръёсы вордскем нылпиос понна гинэ ӧвӧл, жугиськон кутскытозь вордскыса, атайёссы оже кошкыку туж пичи кылем, войнаын бырем атайзэс гумырзы ӵоже витьыса, мӧзмыса улэм жугиськон дырысь вань нылпиос понна одӥг ужрад ортчытысалзы ке, кыӵе умой луысал.
Куддыръя адямилэн сюлмызлы саклык висъян, одӥг шуныт кыл но каньыллык вае. Гумырзы ӵоже «милемыз но тодазы ваёзы али, мынам атае но шаермес мозмытон понна улонзэ сётэм» шуыса, оскыса улэм та поколение туж сӥё-дано карымон.
Венера Зямалиева
дышетон удысысь ветеран
Балтась гурт
Редакцилэсь. Газет лыдӟисьёсмы шонер мед валасалзы, ож дырысь нылпиослэн, сиротаослэн сюлэм вӧсь луонэн тырмем гожтэтъёссы - та чик но правительство ласянь ожысь ветеранъёслы возьматэм гажанлы вожъяськон ӧвӧл. Соос, мазэ веранэз, гажамонесь. Но та секыт, шимес ож аръёсты сирота кылён, курадӟон-тэльмыронъёс пыр ортчем, гумырзы ӵоже атайзы луэмъёслы синмаськыса-вожъяськыса улэм, туж вазь улон тэльбугое кыткиськыны тупам но туннэ нуналозь но правительстволэсь нокыӵе юрттэтсэ адӟымтэ быдэс поколение вань. Соос но нимаз саклык висъянэз, гажанэз кулэ каро.
Зэм, ӝоген, оло, Татарстанын улӥсь ож дырысь нылпиос государстволэсь юрттэтсэ шӧдыны кутскозы. Та нуналъёсы Государственной Советысь депутатъёс та категориысь адямиослы социальной юрттэт тодмоян ужпумъя Россиысь Правительствое но Государственной Думае вазиськонэн потӥзы.
«Та ужпум нимаз улосъёсын гинэ ӧвӧл, шаер масштабын быдэстӥськыны кулэ» шуыса малпась депутатъёсмылэн куронзы улонэ пыӵаз ке, ож дырысь нылпиослы, нимысьтыз статус сётыса, конкретной юрттон ужрадъёс ужаськыны кулэ. Тае шаермыя 8,5 миллион адями ини 70 ар мында вите ук.
Фото: http://samaratoday.ru/news/116368
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84