Хезмәт

Cюлэм тыр куректон мылкыд

Атай оже кошкыку, мыным 1 арес гинэ луэм. 4 нылпи атайтэк будӥмы, атайме уг ик тодӥськы, «атай» шуыса вазиськыны но ӧз кылды.

ӝоген нош ик 9-тӥ Май - Вормон Нунал вуоз. Мон солы чик но шум уг потӥськы. Сюлэм тыр секыт куректон мылкыдэн, курыт синкылиен пумитасько. Телевизорез но уг лэзиськы, малы ке шуоно отын но ожысь сӧл-таза бертыса, авторитето интыосын ужам, вылӥ мылкыдо ветеранъёсты возьмато. Ож лудын бырем воргоронъёслэн «атай» кылэз вераны, атайзэс син азязы пуктыны тэльмырыса, сирота кыльыса будэм нылпиоссылы соосты адӟыны туж секыт.
Милемыз жаляса, югдурмес валаса юрттэт сётӥсь чиновникъёс, депутатъёс ӧвӧл шуымон. Яра али Хафиз Миргалимов (КПРФ фракциысь) со сярысь вераса утча. Сое но кылзӥсь ӧвӧл. Мон депутатъёслэсь сессиоссэс, «Закон. Парламент. Общество» шуэм передачаез учкыны тыршисько. Одӥгаз таӵе передачаын Хафиз Миргалимовлэн: «Ож дырысь нылпиослы кыӵе ке но юрттэт, льготаос сётыны кулэ» шуыса верамезлы, одӥг депутат (фамилизэ вунэтӥ, «Огъя Россия» фракциысь) «Ож дырысь нылпиослэн тросэзлэн инвалидностья группазы, кудъёсызлэн ке «Ужысь ветеран» шуэм удостоверенизы вань. Озьыен, соослэн тросэзлэн льготаоссы вань», шуиз. Кызьы ини группаез сиротаослы юрттэт шуыса лыдъяны луоз?! Со депутат ож дырысь нылпиослэсь кызьы инвалид кылемзэс уг вала шат?! Шуныт кабинетын керетыса, яке али дыре кадь уксёен басьтэм инвалидностья группа ӧвӧл ук со. Лымы шунаса быдмемлэсь азьло ик ини, кын бусыын гольык пыд сисьмем картофка утчаса, пичи дырысен ик лумбыт кот кутэн ветлыса, колхозын 1 пус понна ужаса басьтэм инвалидность ук со. Милесьтым жугиськон бере кызьы улэммес, мар сиеммес, кыӵе дӥськут дӥсяса будэммес со депутатъёс уг но тодо, тодэмзы но уг поты. Соин но асьсэлы гинэ пайдаё законъёсты кутыса пуко. Милям 6-7 сюрс пенсимы коммунальной тыронъёсты тырыны гинэ тырме. Озьы ке но, оскытэк улыны уг луы. Чиновникъёс, депутатъёс та Быдӟым Вормон праздниклы, ож вакытысь нылпиослы кыӵе ке но юрттэт сётозы, дыр, шуыса улӥськомы.
Фото: http://newslab.ru/news/161334

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: