Хезмәт

Балтач районы

18+
2024 - Гаилә елы
Азьлане

Гажаса ӧтиськомы «Мудорвай» концертэ!

Татарстанысь удмуртъёсты огазеясь НКА-лэн тӧроезлэн Герасимов Андрей Сергеевичлэн кичӧлтэмезъя но солэн юрттӥсезлэн Иванова Марина Анатольевналэн тыршеменыз, Бигер Элькунын, со чотын асьме Балтась ёросамы но, кыкетӥ ползэ ини «Мудорвай» конкурс радъяське. Ортчоз со туэ 24 шуркынмонэ Ципья черкогуртысь культура юртын.

Маин висъяськоз таиз вожвылъяськон кылем арынэзлэсь?

- Нырысь ик, садикъёсысь нылпиос сяна, ӵошатсконэ пыриськозы 1-4 классъёсысь дышетскисьёс но;

- Вожвылъяськонэ пыриськыны быгато мукет калык пӧлысь нылпиос но;

 Нылпиос, кылем арын сямен ик, ӵошатскозы таӵе быгатонлыкъёссыя:

- удмурт сямен кырӟан (хорен но оген);

- удмурт калык эктон;

- удмурт кылын кылбур веран;

- удмурт выжыкылъёсъя суред.

Кылем арын сямен ик, вожвылъяськонэ пыриськем котькуд нылпилы синпельлы кузьым сётиськоз. Вылаз ик, эшшо но бадӟымгес кузьымен пусъёзы ӵошатсконъёсын вормисьёсты.

Вожвылъяськонлэн валтӥсь мугез таӵе: будӥсь нылпиосмес Анай кылмылы дышетон, удмурт калык сям-йылолъёсмес но лулчеберлыкмес пыӵатон. Нош тужгес но вылӥ мугез: анай-атайёслэсь ас нылпиосынызы кусыпсэс юнматон.

Дышетӥсьёс но визьнодасьёс сяна, анай-атайёс но пужалляськыса ик ас нылпиоссэс вожвылъяськонлы дасялозы шуыса витиське!

Усьтӥськоз «Мудорвай» удмурт калык выжыкылъёслы сӥзем суредъёслы адӟытонэн (выставка), 9.00 часэн. Концерт кутскоз 9 час 30 минутэн. Вожвылъяськон туж тунсыко ортчоз шуыса малпаськом но вань кадь мылкыд карисьёсты учкыны ӧтиськомы.

«Кенеш» НКА-лэн Правлениез

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: конкурс