Кинлэн тросгес, нош кинлэн чебергес?

Та праздникез сиён-юонъёсын узыр ӝӧктэк син азе пуктыны уг луы. Нош кулич, паска но буям курегпуз ӝӧклэн синчеберез но Акашкалэн валтӥсь тодметъёсыз луо. Та нуналэ нылпиос, коркасен корка ветлыса, курегпуз люкало. Соин валче ми сайтэз лыдӟисьёс пӧлын «Тужгес трос курегпуз люкась» шуэм конкурс ялоно каримы. Туспуктэмъёсты BaltasiRed2005@yandex.ru адресъя витиськом.

Акашкаен герӟаськем мукет конкурсэ но гажаса пыриськелэ – «Тужгес усто чебермам акашка курегпуз». Таяз конкурсэ пыриськон понна, газетлэн электронной адресаз сяна, туспуктэмъёстэс 89870690235 номеръя WhatsApp-ен лэзьыны быгатӥськоды. Та конкурс ортчоз «Хезмэт» («Азьлане») газетлэн «Инстаграм» страницаяз (xezmet_gazetasi). Конкурслэн вормисез 12 оштолэзе (апреле) тодмостӥськоз. Со луоз самой тросгес «лайк» люкам адями.