Нырысетӥ куарусён, ми тонэ возьмаськом!

Нош туннэ коньыгуби, нингуби... Озьыен, гудырикошкон толэзь... Нош тани-тани нырысетӥ куарусён. Выльысь школае, выль штанен, дэремен но лентаен. Туж возьмаськом!!! Эшъёсын пумиськомы, выль тодон-валан басьтомы. Нош тон дась-а? Ми дась!!! Эшшо ке мылкыдмес бугыртӥзы гуртамы шулдыръяськон ортчытыса, олокыӵе но шудонъёс-вожвылъяськонъёс вал: кин пыдын кужмо луэмзэ возьматӥз, кин — киын.

Гужемен люкиськонмы усто ортчиз. Туж кужмо бызьылӥсьёс луизы (пӧртэм аресъем нылпиос пӧлын):

1. Яковлев Артём, 2. Шестаков Никита, 3. Игнатьев Андрей;

1. Иванов Иван, 2. Яковлев Денис, 3. Троцианский Данил;

1. Семёнова Лена, 2. Игнатьева Иллария, 3. Григорьева Яна;

1. Михайлов Арсений, 2. Платонов Дима, 3. Тихонов Тимур;

1. Чирикова Лера, 2. Игнатьева Даша, 3. Петров Александр;

1. Яковлева Софья, 2. Петров Тимур, 3. Михайлова Полина.

Кисаль гуртамы табере вань выль чемпионъёс! Сояз аре эшшо но умойгес тыршом!

Мылкыд капчи, бакчаямы сяськаосмы усьтӥсько... Нырысетӥ куарусён, ми тонэ возьмаськом.

Кисаль гуртысь нылпиос

Редакцилэсь: Кисаль гуртын нылпиос понна таӵе ужрадэз ортчытонын валтӥсь юрттӥсь луэм «МДСУ-1» обществолэн директорез Рашид Магсумович Ильясов. Та солэн кисальёслы лэсьтэм нырысетӥ гинэ ӟеч ужез ӧвӧл ни. Соин но Кисаль гурт калык сюлмысь гажа та адямиез.

«Рашид Магсумовичлэн юрттэтэзлы луыса быгатӥмы дышетскон кутскон азьын нылпиослы таӵе праздник радъяны. Мылкыдзэс ӝутыса, пӧртэм шудонъёс дасямы, кузьымъёсын, грамотаосын но медальёсын шумпоттӥмы. Анай-атайёс, песяй-бабайёс но мыло-кыдоесь милям, нылпиоссы, внукъёссы понна висьыны дырзэс жалятэк лыктӥзы. Азьпалан но таӵе праздник ортчытъяломы шуыса оскисько», — шуэ Кисаль гуртысь Людмила Тихонова. Гуртысьтызы нылпиослэсь шудон площадказэс утялтыса, жуг-жагзэ октыса гинэ возё вылэм Кисальысь анай-атайёс но, нылпиос но. Озьыен, котькуд дыре чылкыт сюлмын отын праздник ортчытыны быгато ни соос.