Патриотъёсты будэтӥсьёс вормизы (фото)

Школаосын анай-атайёслэн коллективъёссылэсь кызьы ужамзэс, школаен кыӵе кусып воземзэс шараян вылысь туэ элькунамы нырысетӥзэ таӵе вожвылъяськон ялӥськиз. Та республиканской конкурслэн районной этапез кемалась ӧвӧл Сосна гурт клубын ортчиз. Ужрадэ 22 школаысь 17 мурт пыриськиз.
- Вожвылъяськонлы котькуд коллектив рос-прос дасяськем. Адӟытонъёс туж умой дасямын, нимысьтыз альбомъёс но туж аспӧртэмлыко, огъя вераса, быгатыса, творчески ужаллям, - шуиз районысь дышетонъя управлениысь методист Резеда Гаязова. Конкурслэн йылпумъянъёсызъя Покчи Лӧзя школаысь патриотизм ӧръя ужась анай-атайёслэн комитетсы вормисе потӥз. Кня, Нурма, Тюнтер школаос - кыкетӥ луизы, Шор Кушкет но Бурбаш школаосысь вуэм анай-атайёслэн комитетъёссылэн выступлениоссы куинетӥ интыен пусйиськизы.