Хезмәт

Петрол кӧсутён

Православной Черк ньыль «кузь», мукет сямен вераса, трос нунал ӵоже кыстӥськись кӧсутён возе: Быдӟым визь, Петрол визь, Успен визь, Ымусьтон визь — котькуд арлэн дырызлы быдэн одӥген луэ.

Гужемлы Петрол кӧсутён тупа. Трос мукет праздникъёс но визьёс кадь ик, со Быдӟым Паска нуналэн герӟаське. Кутсконэз солэн арысь аре пӧртэм нуналэ луыны быгатэ, но йылпумъяське котьку одӥг дыре — 12 июле. Озьыен, берпуметӥез кӧсутён нунал 11 июле луэ. Туэ со 4-тӥ июне кутскоз но 38 нунал кыстӥськоз. Тунсыко, самой кузез Петрол кӧсутён 42 нунал луыны быгатэ, нош вакчиез — тямыс нунал гинэ. Петрол визь Быдӟым кӧсутён кадь чурыт уг луы.

Петрол визьлэн мукет нимыз Апостольской. Та герӟаськемын Иисус Христослэн дышетскисьёсыныз, Пётр но Павел апостолъёсын. Вань веран, апостолъёс Инмар сярысь вераськемзы азьын, проповедь азьын асьсэды сиёнъёс ласянь кутыса возиллям, лулпуш ласянь но, мугор ласянь но чылкытатскон понна. Та святойёслы ик кӧсутёнлэн берпуметӥ нуналэз но сӥземын. 12 июле Павел но Пётр апостолъёслэн юн но визьмо луэмзы данъяське.

Вунэтоно ӧвӧл, кӧсутён — со сиёнъёслэсь огшоры возиськон гинэ ӧвӧл. Сое диетаез кадь валаны но тазалыктэ тупатон вылысь яке восьмон понна кутыны шонер уз луы. Та кӧсутёнлэсь пуштроссэ сӧре. Нырысь ик со вӧсяськон дыр, ӟеч ужъёсты лэсьтон, ёрмисьёслы юрттон но Инмарлы вазиськон. Кӧсутёнлэсь вань палъёссэ быдэстыса гинэ лулпуштэ но, мугордэ но чылкытатыны луэ.   

Интернет источникъёсын пайдаяськыса дасямын

 

Теги: визь
Нравится
Поделиться:
Реклама
Комментарии (0)
Осталось символов: