Районысь внутренней ужъёсъя отделысь вневедомственной охраная отделлэн экипажезлэн сак луэменыз, Тимирязев нимо хозяйстволэн фермаяз бадӟым шудтэм учыр луытэк кылиз.
1-тӥ апрельысен 2-тӥ апреле выжон уйе 821 номеро экипаж, дежурить карыкуз, ӵын зынэз шӧдэ. Зын скал гидысь лыктэ. Отын, короткой замыкание луыса, ини тыл ӝутӥськыны кутскем луэ. Полициын ужасьёс охранникез сайкато, тылпу кысон машинаез ӧтё. Тылпу кужмояны уг вутскы - кысо. Та гидын, скалъёс сяна, одӥг трактор но луэ. Дыраз ужрад ӧй ке кутысалзы, шудтэм учырлэсь кыӵе бервылэ вуттыны быгатэмзэ син азе пуктыны ик кышкыт.
Та экипажлэн членъёсызлы - Булат Гильметдиновлы, Рифат Хабибуллинлы, Талгат Сайфетдиновлы (туспуктэмын) - обществолэн кивалтӥсез Фарит Гирфанов тау каремзэ вуттӥз.
Фото: http://serovglobus.ru/za-dva-dnya-v-policiyu-postupilo-tri-vyzova-o-krazhax-v-magazinax/
