Хезмәт

Балтач районы

18+
2024 - Гаилә елы
Азьлане

Техникаез эскерон

Совет вакытысен утиськыса кылем туж кулэ но бервыло ужрад вань - котькуд тулыс район хозяйствоосысь тракторъёслы но машинаослы техосмотр ортчытон. Таӵе экзамен хозяйствоосын кылем арняе кутскиз. Экзаменэз Гостехнадзор управленилэн район отделэзлэн кивалтӥсез Рифгат Фахретдинов кутэ.

- Государственной техосмотр ортчытонэз «Яна тормыш» обществоысен кутскимы, - шуиз со. - Умой дасяськиллям, малы ке шуид базазы кужмо. Инженерзы Радик Мардян та ужрад шоры туж ответственно учке, механизаторъёслы но сыӵе ик курон пуктэ. Техосмотр вакытэ механизаторъёслэсь та техникаен ужаны лэзем документъёссэс но, тодон-валан уровеньзэс но эскеро уга. «Сурнай»-ын но хозяйстволэн ужаз пыриськоно котькуд тракторез, уробоез пыр-поч буяса, тупатъяса, кулэ приспособлениосын обеспечить карыса, асфальт сюрес вылэ поттыса султытӥллям вал. Молодцы, уд шуы шат?! Татын но валтӥсь инженер Фидаиль Гарафетдиновлэсь курон пуктыны быгатӥсь луэмзэ пусйыны кулэ. «Труд»-ын инженер Рафаэль Гильманов но механизаторъёслы та ужрадлэсь кулэлыксэ валэктыны быгатэм: тракторъёссэс умой дунъет басьтымон карыса дасяллям. «Сосна», Тимирязев нимо, «Арбор» хозяйствоосын но, али ремонтысь потыса вуымтэ кӧня ке тракторез лыдэ ӧд ке басьты, тракторъёслэн технической югдурзы умой. Нош тани «Уныш», Тукай нимо, «Маяк» хозяйствоосын та ужпумлы саклык висъянзэс будэтыны курысал. Бусы ужъёс кутскытозь, 17-тӥ апрельлы вань хозяйствоосысь техникалы государственной техосмотр ортчытыса быдтомы. Собере пудо сиён дасянэ пыриськись техникалы черод вуэ. Созэ, мае кутскыса, июнь толэзьлэн нырысетӥ декадаяз йылпумъяломы. Со бӧрсьы ик ю-нянь октон комбайнъёслэн экзамензы кутске.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250