Азьлане
Тодосчиослэн дунъетсы
Балтась шор ёзо школаын республиканской научно-практической конференция ортчиз. Организационной комитетэ вуэм 281 уж пӧлысь 87-зэ бырйизы. Конференцилэн ужез 8 секциосъя мытӥськиз, отчы 29 районысь 75 дышетскись пыриськиз. Тодосчиослэсь но Казаньысь федеральной университетысь дышетӥсьёслэсь кылдытэм комиссия та пайдаё ужлы вылӥ дунъет сётӥз.
Бурбаш школаысь дышетскисьёс Гузаль Мифтахова, Диляра Асадуллина - информационной технологиосъя, программированиея; Балтась школаысь Далия Шамилова, Ляйсан Кутдусова - биологияя, Алина Ахатова декоративной искусствоя секциосын l-тӥ степеньем дипломен пусйиськизы.
Балтась школаын дышетскись Марина Гайсина - математикая; Нуринер школаысь Аниса Гарипова, Рузаль Гарипов - информационной технологиосъя, программированиея; Балтась гимназиысь дышетскисьёс Регина Васильева, Розалина Галимуллина - географияя но экологияя; Балтась школаысь Зухра Мухамметзянова - историяя; Балтась гимназиысь Фотима Насирова декоративной искусствоя секциосын ll-тӥ степеньем дипломен пусйиськизы.
Нуринер школаысь Ильзира Закирова, Гульзия Галимуллина - математикая; Балтась школаысь Булат Музипов - физикая; Алан школаысь Алина Идиятуллина - биологияя; Нуринер школаысь Ландыш Габделвалиева, Алина Габдрахманова историяя секциослэн ужазы пыриськыса, lll-тӥ степеньем диплом басьтӥзы. Нурма школаысь Гульчачак Ашраповалэн ужез но нимысьтыз дипломен пусйиськиз.
Вормисьёсты сюлмысен ӟечкыласькомы, азьланяз но тодон-валан дуннеын бадӟымесь азинсконъёсы гинэ вутскыны сӥзиськом.
Фото: http://www.vscc.ac.ru/?module=Articles&action=view&aid=1283
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев