Ципья гурт поселениын калык та ужрадэ мыло-кыдо пыриськиз. (+фото)

Ципья гурт поселениын калык та ужрадэ мыло-кыдо пыриськиз. Татын калык понна дасяллям вал презентация, кудаз адямиос учкыны быгатӥзы, кыӵе ужъёс лэсьтэмын ни самообложение амалэн люкам коньдонлы поселениысь котькуд гуртын.
- Арлы быдэ ачим но куараме сётыны ветлӥсько, адямиослы но мыныны ӵектӥсько, малы ке шуоно та ужрадэз умоен лыдъясько. Малпасько, самообложение амалэн калыклэсь коньдон люкан – со туж кулэ уж, ваньмыз со асьме понна, асьме нылпиосмы понна. Та уксёлы туннэ нуналэ трос ужъёс лэсьтӥськемын ини, но озьы ке но, лэсьтоно ужъёс но ӧжыт ӧвӧл али. Кыӵе шумпотӥськом, та люкам уксёлы сюресъёсмес радъязы ни шуыса, нылпи площадкаос лэсьтӥзы шуыса, - вераз Пётр Григорьевич Чернов.