Аварияләр яңгыр күп яву аркасында булган.
Уфа - Оренбург автоюлында яңгыр вакытында өч юл-транспорт һәлакәтендә 15 машина бәрелешкән. Бу хакта Башкортстан буенча ЮХИДИга сылтама белән РИА Новости хәбәр итә.
«Иртән Уфа - Оренбург юлында "Ял кафесы" җәмәгать транспорты тукталышыннан "Металлобаза"га кадәр өч автомобиль авариясе теркәлгән, аларда 15 транспорт чарасы механик зыян күргән», - диелә ведомство хәбәрендә.
Хәзерге вакытта урында башкаланың ЮХИДИ юл-патруль хезмәте полкы хезмәткәрләре һәм башка ашыгыч хезмәтләр эшли. Бу хәлнең шартлары ачыклана.
«Әлеге участокта ике юнәлештә дә хәрәкәт итү кыенлашкан. Аварияләр яңгыр күп яву аркасында булган», - дип хәбәр итә төбәк буенча ЮХИДИ.
Чыганак: ТИ
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев