Казан артистлары бер читтә торсыннар...

8 нче март көнне Куныр авылы үзешчәннәре З.Хәкимнең «Тыкрыкта булды бу хәл» дигән ике пәрдәэлек музыкаль комедиясен сәхнәгә куйдылар.

Бу бәйрәм көнне барлык гүзәл затлар өчен зур бүләк булды. Артистлар барсы да үз рольләрен зур осталык белән уйнадылар, рәхәтләнеп көлдек тә, уйландык та, бүгенге тормышны да якты чагылдырдылар артистлар.

Шыгрым тулы заллар күптән булганы юк иде инде, бөтен килгән халык рәхәтләнеп ял иттеләр, артистларны озак вакыт сәхнәдән җибәрәселәре килмәде, дип яза Кунырдан үз хәбәрчебез Рамил Нәҗипов.