Районыбызда күптән түгел генә оешкан бадминтон федерациясе үзенең эшен уңышлы гына башкарып килә.
Моның тагын җер ачык мисалы булып, "Балтач" универсаль спорт залында узган семинар тора. Район мәктәпләренең физкультура укытучылары катнашында узган бу семинарда федерация рәисе Равил Кәримов, район физкультура укытучыларының методик берләшмә җитәкчесе Фәнил Габдрахманов, "Хыял" яшьләр үзәге директоры Илһам Гайнетдинов чыгыш ясадылар, алда торган бурычларга тукталдылар. Соңыннан семинарда катнашучыларга Бөтендонья студентларының Казанда узган җәйге Универсиадасында бадминтон уеннарында хөкемдарлык иткән якташыбыз Рәмзил Гайфетдинов мастер-класс күрсәтте.
Фото: http://ojde.biz/tag/badminton/
