Булдырдылар! Кемнәр? (+фоторепортаж)
Узган ялларда «Балтач» спорткомплексында каратэ буенча Татарстан Республикасы чемпионаты һәм беренчелеге узды.
Спортчылар Казан, Яр Чаллы, Ижау шәһәреннән, Лаешрайоны, Болгар, Мари Иле республикасыннан килгән иде. Көн дәвамында барган киеренке һәм гадел ярышларда җиңү шатлыгы һәм сөенече кичерүчеләр шактый булды. Күпләр уңышсызлыклардан, авыртулардан күз яшьләрен сөртте. Әмма ничек кенә булмасын, спортчылар ярышлардан зур тәҗрибә, чыныгу алдылар.
Безнең районның каратэ кукесинкай буенча җыелма командасы да лаеклы һәм матур чыгыш ясады (тренер Альберт Базәгетдинов, Рифат Зарипов). Үз үлчәү авырлыкларында Хәмидуллина Айгиз, Бариев Әмир, Хәялеев Тимур, Федоров Артем, Базәгетднов Әмир, Зарипов Якуб 1 урын яулады. Булатов Сөләйман,Зарипов Хәйдәр – икенче, Нәбиев Наил, Хәмидуллин Разил, Гатауллин Сәид, Зарипов Салих өченче призлы урынга лаек дип табылды. Яшь спортчыларыбызны һәм тренерларны бу зур ярышларда уңышлы чыгыш ясаулары белән тәбриклибез һәм аларга сәламәтлек, киләчәктә спорт казанышлары телибез.
Фото: Ринат Зариров
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев