Казан шәһәре зур шул…

Ильнур, 23 февраль 2015 - 06:17

2416

Балтач бистәсе кичә бәйрәм алды кунакларын каршы алды. 40 яшьтән узган ветераннар арасында бара торган хоккей турнирыныӊ чираттагы очрашуы «Балтач» спорт үзәге янындагы бозда булды.

Башкаланыӊ «Автомобилист» командасы безнеӊ уенчыларны ике урынлы сан белән «туздырды». Тамашачыныӊ кәефен төшермәс өчен уеннарныӊ таблосын да куярга читенсенделәр бугай, оештыручылар.

Районыбызныӊ командасын туплауга җаваплырак килеп, алгы урынга район командасы мәнфәгатьләрен куеп, тамашачыга да алдан хәбәр биреп оештырылса, бәлки бу уенныӊ соӊгы исәбе кызарырлык булмас иде.

Уен беткәч , «Казан командасы узган елгы Республикада беренче урыны алган, безнекеләр дә бер алка кертә алдылар бит», дип үзебезне үзебез юаттык. Ә бозга чыгып, үз көчләрен кызганмыйча уйнаган хоккейчыларыбызга чын күӊелдән зур рәхмәт!