Байлар Сабасының Килдебәк мәктәбендә «Кэсбаскет» мәктәп баскетбол лигасының республикакүләм зона ярышлары булып үтте.
Кукмара, Арча, Саба, Теләче, Биектау командаларын җиңеп, Сосна мәктәбе кызлары (тренерлары Ф. Габдрахманов) һәм Балтач урта мәктәбе егетләре (И.Галимуллин) I урынны яулады. Җиңүчеләр кубок, медальләр, баскетбол формасы һәм республиканың финал ярышына юллама алды. Февраль аенда узачак әлеге чарада егет-кызларыбызга янәдән җиңүнең татлы мизгелләрен кичерергә язсын иде!
