Яңгул яшьләре телефонда гына утырмый...

Безнең Яңгул авылының үзенә генә хас матур традицияләре бар. Авылыбыз яшьләре, үз инициативалары белән ел дәвамында 4 урам (Югары оч, Түбән оч, Таулы, Тау асты) арасында спорт ярышлары оештыралар. Җәйнең матур бер көнендә ел дәвамында барган ярышларга нәтижә ясап, Сабантуй мәйданында Зур бәйрәм ясыйлар. 1 декабрь көнне Яңгул мәдәният йортында ярышларның чираттагысы – өстәл теннисы буенча ярышлар узды. Егетләр ярышларга бик җитди әзерләнгәннәр. Бу юлы беренчелекне Тау аслары алды.

Яшьләр телефоннан, интернеттан аерыла алмыйлар дип гаепләргә яратабыз. Менә бит, бездә шушындый сәламәт яшәү рәвешен яклап, авылыбызның киләчәге өчен янып-көеп яшәүче ир-егетләребез бар. Афәрин, егетләр! Сезнең кебек ут йөрәкле патриотоарыбыз барында Яңгул иле гөрләп яшәр дип ышанам мин!

Ләйлә Габделхакова,
Яңгул авылы.

Автор фотолары.