40 яшьне уздырырга ярамый дигән имеш-мимешне һәрберебезнең ишеткәне бардыр.
Янәсе, аны үткәрсәң, күңелсезлек килеп чыгачак. Моңа ышанып, күпләр бәйрәм итүдән тыелып тора. Чынлыкта ярыймы? Бу сорау белән Казандагы “Шамил” мәчете имам-хатыйбы Мәхмүт Шәрәфетдиновка мөрәҗәгать иттек.
– Дин китапларында аны үткәрергә ярамый дигән аңлатмалар юк. Бу – имеш-мимеш. Мондый хорафатларга ышанырга ярамый. Үзем 40 яшьлек туган көнемне үткәрдем. Аллага шөкер, сау-сәламәт, бернинди тискәре хәлләр дә булмады, яшәвемне дәвам итәм. Быел, алла бирса, 42 яшем тула, – дип җавап бирде хәзрәт.
Фото: pixabay.com/ru
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев