Астрологлар киңәше: 2022 елны нәрсәгә багышларга?

Астрологлар кайсы йолдызлык вәкилләренә уңыш елмаячагын һәм 2022 елга нинди максатлар куярга икәнен сөйләде. Бу хакта РИА Новости яза.

Астрологлар Элеонора Гинзбург һәм Лилия Любимова фикеренчә, киләсе елда шәхси казанышларга һәм карьерага игътибар юнәлтергә кирәк.

«Шәхси казанышларга игътибар бирергә киңәш итәм, чөнки Юлбарыс елы - актив ел, ул беренче чиратта шәхси брендны үстерү, шәхси казанышлар белән бәйле ел. Бу беренче чиратта карьера булдыру, эш алыштыру, югарырак вазифа алу, үз эшен ачу кебек максатлар куйган индивидуалистлар елы», — дип сөйләде Лилия Любимова.

Ул киләсе елда Балык, Кысла һәм Чаян йолдызлыгында туган кешеләр өчен уңыш елмаячак, ә Кыз, Укчы һәм Игезәкләр өчен Юлбарыс елы катлаулырак булачак, диде. Гинзбург фикеренчә, 2022 ел карьера өлкәсендә уңышлы булачак.

«Быел Кәҗәмөгез билгесендә бик яхшы вазгыять булачак — анда күп планеталар һәм ак Ай була, ул исә безгә бары тик яхшыны гына күрсәтә. Шуңа күрә һөнәри үсеш, карьера белән бәйле теләкләр яхшы чынга ашарга мөмкин», — диде астролог.

Чыганак: Интертат ; фото: pixabay.com/ru