2025 елда социаль контрактларның яртысы эшкә урнаштыруга юнәлдерелгән

Эшсез татарстанлыларны эшкә урнаштыру һәм ярлылыктан чыгару өчен социаль контрактлар белән тәэмин итү планын 2025 елда ТР Хезмәт министрлыгы үтәгән. Бу хакта бүген ТР Иҗтимагый палатасында ТР Хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

"Социаль контракт – аз тәэмин ителешне бетерү өчен дәүләт һәм граждан арасындагы шартнамә. Әгәр гаиләдә керем яшәү минимумыннан түбән булса, гаилә эшкә урнашу, эш ачу яки шәхси ярдәмче хуҗалыкны үстерү юнәлешләре буенча контрактка хокуклы", - дип искә төшерде ул.

Республикада кадрлар кытлыгы саклану сәбәпле, эшкә урнашу өстенлекле юнәлеш булды. «Без максатны үтәдек: 2322 контракт, ягъни 47%, нәкъ менә мәшгульлекне тәэмин итүгә юнәлдерелгән иде», – дип билгеләп үтте Зарипова.

Аның сүзләренчә, мөһим яңалык булып, махсус хәрби операциядә катнашучылар өчен аз тәэмин ителеш буенча таләпнең, әгәр алар үз эшләрен ачсалар, гамәлдән чыгарылуы факты тора. «Шулай ук СВО катнашучылары арасыннан беренче һәм икенче төркем инвалидлар контракт төзү хокукын гаилә әгъзаларына тапшыра ала», – дип ачыклык кертте Зарипова.

Татарстан Республикасы Рәисе Рөстәм Миңнеханов үзенең еллык Юлламасында махсус операция барышында күрсәткән батырлыклары өчен 17 татарстанлының «Россия Герое» исеменә лаек булуы турында сөйләде, кызганычка каршы, аларның сигезе үлгәннән соң. 

Татар-информ