Алан авылына солдат кайтты

Алан авылында яшшүче Фәнилә һәм Хәлим Кәримовларның уллары Әмин, армия сафларында хезмәтен тәмамлап, туган якларына аяк басты.

«Ватан — ана, Ватан — бер, шуны яклап утка кер», — ди халык. Армия хезмәте бик килешкән авылдашыбызга. Яп-яшь егеттән кыю ир-егеткә әверелеп кайтырлык чыныгу урыны булган ул аңа. 

Авылдашыбызның Ватан алдындагы изге бурычын намуслы үтәве белән чиксез куанабыз. Әле кайчан гына озаткан идек кебек үзен, бер ел узып та киткән икән бит. Хәер, безнең өчен вакыт тиз үткән сыман тоелса да, егетнең әти-әниләре, дус-туганнары күрешү сәгатьләрен зарыгып көткәндер. 

Ныгып кына калмаган Әмин, яңа дуслар да тапкан, моңарчы ишетеп кенә белгән күп шәһәрләрне күргән. Әле хәрби хезмәткә алынырга өлгермәгән дус-ишләрен дә кызыктырып өлгергәндер. 

Әмингә киләчәктә дә уңышлар һәм хыялларының тормышка ашуын телибез!

Рузалия Тимербаева