Республикада җитештерү арту фонында сырларга бәяләр сигез ай рәттән төште. Бер ел эчендә бу продукция 1,59% ка арзанайды
Татарстанда сентябрь аенда тавык йомыркасына һәм балык продукциясенә бәяләр артты, ә «борщ җыелмасы» яшелчәләре арзанайды. Бу хакта Россия Банкының Татарстан Республикасындагы инфляция турындагы хисабында әйтелә.
Бер ел эчендә тавык йомыркасы 21,52% ка, балык продуктлары 12,18% ка кыйммәтләнде. Йомыркага бәяләр арту сезонлы ихтыяҗ арту белән бәйле. Балыкның бәясенә балык тоту күләменең кимүе һәм продукцияне табуга, эшкәртүгә һәм китерүгә чыгымнарның артуы йогынты ясаган.
Бәрәңге, кәбестә, кишер, суган һәм чөгендер яңа уңыш алу аркасында арзанайды. Шул ук вакытта яшелчәләр бер ел эчендә 3,99% ка кыйммәтләнде.
Республикада җитештерү арту фонында сырларга бәяләр сигез ай рәттән төште. Бер ел эчендә бу продукция 1,59% ка арзанайды.
НТР-24
Нет комментариев