«Татнефть» «Экология» форумында мәктәп укучылары өчен проектлар тәкъдим итте

«Экология» XVII Халыкара форумында «Татнефть» компаниясе укучыларны фәнни эшкә һәм гамәли экологик эшчәнлеккә җәлеп итү тәҗрибәсен тәкъдим итте.

Форумда 1300дән артык катнашучы – профильле министрлыклар, фәнни җәмәгатьчелек һәм бизнес вәкилләре катнашты.  «Татнефть» эксперт-практик буларак чыгыш ясады һәм эшлекле программа кысаларында үзенең тотрыклы үсеш моделен күрсәтте.

Төп презентация экологик агартуның заманча форматларына багышланган сессиядә узды. Фикер алышуда катнашучылар формаль алымнар үткәнгә китә, ә яшьләр белән эшләү өчен бүген интерактивлык һәм сизелерлек нәтиҗәләр мөһим дигән фикергә килделәр.

Бу җәһәттән компания «Мәктәп биолабораторияләре» һәм «Мәгариф экосистемасы» проектларын тәкъдим итте. Юнәлешнең кураторы Александр Савинич билгеләп үткәнчә, фән, мәгариф һәм производствоның үзара бәйләнеше төп рольне уйный. Ул ассызыклаганча, яшьләрдә экология белән кызыксыну реаль проектлар белән шөгыльләнү мөмкинлеге булганда барлыкка килә.

Татар-информ