«Дамские пальчики» торты (Мәрьям Миңнегулова)

Кирәк була: 
●1 стакан сөт 
●0,5 стакан су 
●Чеметеп кенә тоз 
●180 гр ак май 
●1,5 стакан он 
●6 йомырка. 
-Крем өчен: 
●500 грлы 20% сметана 
●100 гр песок. 

Эш барышы: 
Калын төпле савытка сөт, су, тоз, май салып газ өстендә эретәбез. Май эреп беткәч ипләп кенә он салып 2 минут әкрен генә утта болгатып, бер масса барлыкка килгәнче тотабыз. Газны сүндереп массаны суытабыз. 
Суынган массага берәм — берәм йомырка салып болгатабыз. Хәзер инде әзер камырны насадка киертелгән махсус капчыкка тутырып, пергамент кәгазе җәелгән табага агызып чыгабыз. 200 гр лы мичтә 20 минут чамасы, аннан 180 гр лыда пешереп бетерәсе. 

Суынгач кремлап өясе генә кала. 
Крем. Сметанага песок салып әз генә болгатам да холодильникка тыгып куям, артык нык болгатмагыз, холодильникта песок үзе эреп бетә ул. 
Кремлап өйгәч өстенә угычтан шоколад кырып сибелә.