Татарстанда язгы кыр эшләренә 43 млрд сум акча юнәлдерелде

Татарстанда быел язгы кыр эшләрен башкаруга 43 миллиард сум акча бүлеп бирелгән. Бу хакта ТР Хөкүмәте йортында узган брифингта ТР вице-премьеры — авыл хуҗалыгы һәм азык-төлек министры Марат Җәббаров хәбәр итте.

Аның сүзләренә караганда, акчаларның шактый өлеше ашламалар, орлыклар, үсемлекләрне яклау чаралары, ягулык-майлау материаллары һәм запас частьләр сатып алуга, шулай ук авыл хуҗалыгы предприятиеләре хезмәткәрләренең хезмәтенә түләүгә тотылган. Гомумән алганда, ашламаларга — 15,2 млрд сум, ягулык-майлау материалларына һәм запас частьләргә — 8,8 млрд сум, орлыкларга – 3,7 млрд сум, үсемлекләрне яклауга – 6,3 млрд сум юнәлдерелгән. Тагын 9 млрд сумны башка чыгымнар тәшкил иткән.

Татарстанда быел чәчүлек мәйданнары 2,5 миллион гектарга җитте, шуның 1,6 миллион гектарында сабан культуралары чәчелде. Бөртекле культуралар — 1,2 млн гектар, майлы культуралар — 669 мең гектар, шикәр чөгендере — 53,1 мең гектар, азык культуралары – 616 мең гектар.

Новости Татарстана-ТатарстанДа