155 аръем сюресэз ортчем школа (фоторепортаж)
Покчи Лӧзя шоръёзо школа куинь полэс юбилейзэ пусйиз.
20-тӥ толсуре Покчи Лӧзя лулчеберетъя юртын туж чебер ужрад ортчиз. Та нуналэ Покчи Лӧзя шоръёзо школа аслэсьтыз куинь полэс юбилейзэ пусйиз: нырысьсэ гуртын школа усьтӥськем дырысен 155 ар тырмонэз, шоръёзо школа усьтӥськем дырысен 35 ар но али дыре ужась туала школалэн ужаны кутскемез дырысен 15 ар тырмонэз.
Сӥё-дано ужрадэ пыриськизы дышетон удысысь ветеранъёс но школалэн туала коллективез, пӧртэм аръёсы Покчи Лӧзя школаез йылпумъям выпускникъёс но интыысь кивалтӥсьёс. Бадӟым юбилеен ӟечкыласа, шуныт кылъёс веразы Балтась ёросысь исполнительной комитетлэн кивалтӥсез Айдар Хайрутдинов, ёросысь дышетонъя управленилэн кивалтӥсез Ренат Мухарлямов, Татарстанысь удмуртъёслэн НКА-зылэн тӧроез Алексей Арзамазов. Юбилеен валче школалы, коллективезлы но ужрадэ пыриськем кунооослы гожтэт но видеоӟечкылан пыр пӧсь саламзэс вуттӥзы Удмуртиысь Йӧскалык политикая министр Эдуард Петров но Удмурт Элькунысь Кун Кенешлэн тӧроезлэн воштӥсез, Удмуртиысь Кун Кенешлэн наукая, дышетонъя но граждан обществолэсь институтъёссэ азинтыны юрттонъя ялан ужась комиссиезлэн Тӧроез Татьяна Ишматова но мукетъёс.
Ужрад туж мур пуштросъем луиз.
Та сярысь пыр-почгес «Азьлане» газетлэн бамъёсысьтыз лыдӟыны быгатоды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев