Атайлэн нуналэныз!

Россиын Атайлэн нуналэз пусйиське 2021-тӥ арысен, РФ-лэн президентэзлэн В.В. Путинлэн та нуналэз коньывуонлэн куинетӥ воскресеньеяз пусъён сярысь Косэт гожтэмез бере. Туэ Россиысь атайёслэн нуналзы 19-тӥ коньывуонэ пусйиське.

МОН ТОНЭН АРТЭ

Мон уйин шыпытак диванысь васькисько,
Атае доры шып валесаз выдӥсько.
Шып-шыпак шыр музэн кыллисько,
Атайлэн кунулаз ӟеч умме усисько.

Нош ӵукна атае ни усьтэ ке синзэ:
- Ой, кыӵе паймымон! - шулдырак со вазе, -
Кытысен тон вуид? Паймытӥд тон монэ!
- Атае, ма мон Ялан артэ вал тонэн!

Олег Бундурлэсь кылбурзэ удмурт кылэ берыктӥз Василий Никитин.

АТАЙМЕ ВОШТО

Атае быръем ӧнер,
Со азьмынӥсь комбайнёр.
Бункераз - кизилиос,
Ужамзэ югдытӥсьёс.

Атаен ӵошен туннэ,
Ужамы паськыт лудын.
Штурвалаз пичи гинэ
Уг сузиськы мугорын.

Бен, будо ай, ӝог будо,
Атайме ачим вошто.
Устоез ӧвӧл ӧнер,
Луо усто комбайнёр.
 

Николай Никифоров