Героез буре ваёнлы сӥзьыса: Олег Николаевич Исаев вордскем дырысен 62 ар тырмиз

2026-тӥ арын 14-тӥ толшоре 62 арес тырмысал Олег Николаевич Исаевлы — ожгар лётчиклы, Россия Федерациысь Ожгар кужымъёслэн майорзылы, Россиысь Геройлэсь дано нимзэ кулэмез бере сётэм муртлы.

Олег Исаев вордскиз 1964-тӥ арын 14-тӥ толшоре Татарской АССР-ысь Балтась ёросысь Вуж Кушкет гуртын. Пичи дырысеныз со инбам но ожгар служба сярысь малпаськылӥз. 1983-тӥ арын Арчаысь педагогикая училищеез йылпумъямез бере, со В. И. Чкалов нимо Борисоглебской вылӥ военной авиационной лётчикъёслэн училищеязы дышетскыны пыриз, кудзэ 1988-тӥ арын умой йылпумъяз. 

Ньыль ар дышетскон ӝог ортчиз. Ожгар лётчик-истребитель Исаев Олег, лейтенант званиен, Уйпал Кавказысь военной округе назначение басьтэ. Служить каре Азербайджанын, собере — Германиын. Германиысь Воронеже выже. 1990-тӥ аръёслэн шоразы службазэ нуиз Ставрополь шаерысь Будённовск городын интыяськем 368-тӥ нимаз штурмовой авиационной полкын. Командировкаосы Таджикистанэ, Афганистанэ но Чечняе вуылэ. 

1994-тӥ арын шуркынмон толэзьысен пыриськиз Чечен республикаын ожмаськонъёсы. Лобаз Су-25УБ-эн. 100-лэсь трос боевой вылетъёс лэсьтӥз, боевикъёслэсь 3 танкъёссэс, автомобильной но боевой техникалэсь 15 единицазэ, ракетаосын 3 зенитной ракетной установкаосты быдтӥз. 

1996-тӥ арын 4-тӥ оштолэзе боевой вылетын, полкысь мукет лётчиклэн самолётэз уськытэм бере, быгатыса маневрировать карыса но ыбылӥськыса, майор О. Н. Исаев боевикъёслы матэктыны ӧз сёты катапультировать карем лётчик-майор А. В. Матвиенко доры. Собере спасательной вертолётлэсь действиоссэ ыбылэменыз ватӥз. Эшез утемын вал. 

Кышкасьтэм луэмез понна сое «За отвагу» медален пусъё. Но пунэмзэ медаз берыктэ шуыса, солэсь фамилизэ вошто, со Олег Николаевич Моисеев луэ.

Воинской ужлы оскыса но боевой техникаен быгатыса кивалтэмез понна Исаев пусъемын Россиысь утиськонъя министрлэн нимлыко часэныз. 

Солэн улоназ трагической но героической учыр луиз 1996-тӥ арын 5-тӥ куартолэзе Чечен Республикаысь Урус-Мартановской ёросын. Ожгар заданиез быдэстыкуз, солэн вертолётэз боевикъёслэн засадаязы шедем сухопутной войскоослэсь колонназэс утиз. Тушмонлэсь позицизэ шедьтыса, майор Исаев неравной ожмаськонэ пыриськиз. Солэн юн выросъёсыз но героизмез тросэзлэсь эшъёсызлэсь улонзэс утьыны юрттӥзы, нош ачиз со ожгар ужпумзэ быдэстон дыръя быриз. 

Туэ но сӥё-дано ужрад дышем сямъя куасэн бызьылонъя ӵошатсконъёсын кутскиз. Дышетскисьёс понна пӧртэм арлыдъем категориосын стартъёс радъямын вал. Пиналъёс возьматӥзы асьсэлэсь чидась луэмзэс, юн огазеяськемзэс но вормыны тыршемзэс — сямъёсты, кудъёсыныз ачиз Олег Николаевич но данэ потӥз. Та ӵошатсконъёс Геройлы сӥзем спортъя ӟеч сямлы пӧрмизы ни. 

Школалэн администрациез но коллективез сюлмысьтызы ӟечкылало Россилэсь Геройзэ Олег Николаевич Исаевез буре ваён нуналлы сӥзем куасэн бызьылонын призо интыос басьтэм пинал спортсменъёсты! 

Ӵошатсконъёсын вормисьёс:

1-4 классъёсын дышетскисьёс пӧлын: 
Пиос: 
• 1-тӥ инты — Камаев Антон (4 класс) 
• 2-тӥ инты — Терентьев Кирилл (4 класс) 
• 3-тӥ инты — Николаев Роман (4 класс) 
Нылъёс: 
• 1-тӥ инты — Закирова Софья (4 класс) 
• 2-тӥ инты — Трофимова Лия (3-тӥ класс) 
• 3-тӥ инты — Николаева Диана (2-тӥ класс). 

Шор классъёсын дышетскисьёс пӧлын: 
Пиос:
• 1-тӥ инты — Михайлов Арсений (7 класс)
• 2-тӥ инты — Закиров Тимур (7 класс) 
• 3-тӥ инты — Павлов Захар (6 класс) 
Нылъёс: 
• 1-тӥ инты — Гафетдинова Рузия (7 класс) 
• 2-тӥ инты — Туктарова Софья (6 класс) 
• 3-ӥ инты — Шишкина Диана (7 класс) 

Бадӟым классъёсын дышетскисьёс пӧлын:
• 1-тӥ инты — Евдокимов Яков (10-тӥ класс) 
• 2-тӥ инты — Троцианский Данил (9 класс) 
• 3-тӥ инты — Папаев Никита (9 класс). 

Ӵошатсконъёсы пыриськемъёс юн сямо луэмзэс, вормыны мылкыдзэс но мугорзэс кыдатыны быгатэмзэс возьматӥзы! Сӥзиськом соослы басьтэм вырйылъёссы вылэ дугдытэк, спортын выль азинсконъёсы вутскыны но юн тазалык! Соослэн вормонъёссы — со асьме батырлыко землякмес, Олег Николаевич Исаевез, буре вайыны усто амал! Ӟечокъёс! 

Спортэн нюръяськонъёс бере сӥё-дано линейка ортчиз. Ужрадлэн валтӥсь куноосыз луизы Геройлэн ӵыжы-выжыосыз но матысь адямиосыз: солэн анаез, Вера Петровна, сузэрез, Алевтина Николаевна, но племянникъёсыз. Озьы ик вуылӥз но тау кылъёссэ вераз Балтась ёросысь дышетонъя управлениысь методист Рамазанов Фаннур Зиннурович. 

Пыриськисьёс бырем героез минут ӵоже чус улыса буре вайизы, буре ваён пул доры сяськаос понӥзы но солэн улэмез но подвигез сярысь веранэз кылзӥзы. 

«Олег Николаевич Исаев — зэмос патриотлэн примерез, кинлэн ужъёсыз пыраклы кылё шаермылэн историяз. Будӥсь пиналъёс тодыны но тодазы возьыны кулэ сыӵе адямиосты», — пусйиз школалэн директорез Константин Викторович Грахов. 

Та нуналэ ми выльысь валамы: геройёс улэпесь, асьмеос соос сярысь тодӥськом на ке. Олег Николаевич Исаевлэн подвигез сярысь тодэ ваёнъёс пыраклы сюлэмъёсамы кылёзы но ваньмы понна кышкасьтэм, дано луонлэсь примерзэ возьматозы. 

Россиысь Геройлы пумтэм дан! 

О. Н. Исаев нимо Шор Кушкет шоръёзо школаысь журналистъёс но «Даур куара» музейлэн кенешез

Туспуктэмъёс: МБОУ «Средне-Кушкетская СОШ им. О.Н. Исаева», музей «Даур Куара»