Калыкен яратэм Петя

Берло аръёсы Пётр Германовичлэн улоно юртэз начар югдуре вуэмын, интернет вотэсъёс пыр юрттэт кулэ шуыса вазиськем бере, юрттэтсэс сётыны мылкыд карисьёс уно луизы. Али дыре пушказ ремонт карем корка тодмантэм воштӥськемын. Тӧдь-тӧдь буям гур, обшивать карем борддоръёс но вӧлдэт, холодильник, газ плита, укноын занавескаос. Петя агай ачиз но туж шумпотэ, радио пыр кырӟанъёсты кылзыса, улэмезлы тау карыса нуналъёссэ ортчытэ. Телевизор лэзьыны но дышетскем. Со юртаз ремонт лэсьтэмъёслы, юрттэмъёслы тау каремзэ вера. Табере татын ваньмыз радызъя: гур уг ӵынды, пасьёсысь тӧл уг пельты, толлы пу дасямын. Ваньмыз та социальной ужасьлэн Римма Павловалэн но солэн Сергей кузпалызлэн тыршеменызы лэсьтэмын. Соослы утемзы улсын улӥсьёс сярысь сюлмаськемзы но умой учкемзы понна бадӟым тау. Гурт калык озьы ик Сизнер гуртысь гур пуктӥсьлы Виталий Тарасовлы но Ципьяысь Валерий Денисовлы нимысьтыз тау каре.

Гульзида Газизуллина,

Залия Файзрахманова