Конкурсъёс йылпумъяськизы, вормисьёс тодмо (3 люкет)

«АЗЬЛАНЕЛЫУКМЫСТОН» конкурсын вормись луиз Карек-Серма гуртысь Василий Никитин.

Ӟечкыласьком! Тау тӥледлы, кин дырзэ жалятэк, газетэз данъяса, сыӵе шуныт кылъёс шедьтыны быгатӥз.

Лыктэм ужъёсын тӥледыз но тодматӥськом:

АЗЬЛАНЕЛЫУКМЫСТОН
Азьло дырысен
Зэмос удмурт кылын
вылЬ иворъёс но ӵектонъёс
Лыдӟиськом ӝытъёсы ми дорын.
Азьлане — нимаське газетмы
Номырин но воштонтэм
Еросын со дуно милемлы.
Лудын, колхозын, бусыын
тЫрше калык, ужез возьматэмын
Учко кизилиос, врачъёс, дано дышетӥсьёс.
Котьку газет бамаз гажано мылкыдъёс
Ми гыриськом, кизиськом, араны потӥськом.
бадӟЫм шуръёс кошко ошмесысен.
Солдатъёс нош утё асьмелэсь шаермес
Туж кулэ тон, газетмы, вите тонэ гурт калык.
Озьы мед луысал ялан та улонын.
Ноку но медаз быр удмурт кыл!

Марина Ишмурзина,
Вылын Ушма гурт.

«Азьлане», «Азьлане»,
Зоро куазьлэсь но кышкатэк,
КузЬ урамъёс кузя вамышъяськод.
Лыдӟисьёс доры дыртыса,
Арлыдэд укмыстон ке но,
Нокин шоры учкытэк,
Егит мылкыдэн вамыштӥськод.
Лыдӟисьёслэсь витемзэс тодӥськод.
Ымнырыд шоры учкыса,
Укмыстонлэсь туж пинал адскиськод.
Кӧня бамдэ лыдӟи, утчай «Азьланеме»,
Мон ӧй шедьты отысь 1941-1945 аръёсын
Ышыса кылем атайлэсь нимзэ, фамилизэ, вордскем арзэ —
Сокем сюлмы чигиськиз...
Тонэ мон туж яратыса лыдӟисько
Ортчоно аръёсыд туж кема, таза мед луозы.
Ноку но эн пересьмы, ялан азьлане мыны.

Вылын Ушма гурт,
Лидия Васильевна Миронова.

«АЗЬЛАНЕ» газетмы — юлтошмы,
З ӧкомиз ни тынад арлыдыд,
Ь(УКМЫСТОН АРЕСЭ НО ВУИД).
Л ыдӟиськом ми тонэ гажаса.

А дӟиськом тынэсьтыд кулэдэ.
Н уналбыт витиськом лыктэмдэ.
Е гитгес луиськом кадь тонэн,
Л улпушмы пачыла ваньбурен,
Ы мнырысь кисыри ватскылэ..

У кмыстон ар удмурт калыклы
К ӧня дыр ӟеч ужъёс лэсьтылӥд!
М амында шумпотон вайылӥд,
Ы съялляд ӟечкылан гожтэтъёс!
С ьӧд сюлмо муртъёсты ӵушкалляд,
Т ыршыса ужасез ӝутъялляд.

О скиськом ми тыныд , «АЗЬЛАНЕ»,
НЕНОКУ НО УМ ЛЮКИСЬКЕЛЭ! 
 

Василий Никитин,

Карек-Серма гурт

«Азьлане» чырмыт вамыштэ,
Задор мылкыд пыӵатэ.
КузЬ гумыр ни ортчемын,
Лулпушкыз узырмемын.
Аресэн ке укмыстон,
Нош ми понна пинал на тон.
Егитэз но пересез
Лыдӟо котькуд бамъёстэ!
«Ымнырыд» чеберскемын,
Узыр пуштрос пыремын.
Кема ул на, «Азьлане»,
Милемын ӵош мын азьлань!
Ышонлы, тон,эн сётскы!
Сӥлык тыныд даурлы!
Тунсыко чуръёсыныд, тон, чеберскы!
Осконэн азьлань вамышты!
Ноку секытлы эн сётскы!

Екатерина Иванова, 
Вылын Ушма гурт

«Азьлане» — азьлань но азьлань...
Зыл-зыл кошкись ошмес ву выллем
весЬ синмаськымон, гажамон
Луыса
Арысь-аре, 90 ар ӵоже, шумпоттэ ни лыдӟисьсэ!
Номыр но шоры учкытэк
Етӥз, зыдор мылкыдын
Льӧль пиштӥсь сяська выллем
Ымныраз шуныт пальпотонэн
Усьтэ со чылкыт лулпушсэ!
Кисьтэ ас малпанъёссэ!
Ма кызьы, ми ыштомы кусыпмес?
Ыргон кадь таза луэм дуно эшмес!
Сыӵе яратоно асьме газетмес! 
Тон ке вуид дорамы
Огазе ми, валче пуксьыса
Нылъёслы но пиослы, нош 90 арзэ но лыдӟомы!
Кумаева Нина, 
Тагашур гурт
«Азьланелыукмыстон»
«Азьлане» газетмы! Яратӥськом ми тонэ.
Зэм но тон ваньзэ-ваньзэ
АсЬме кылын, анай кылын вераськод милемлы.
Луиськод тон милям матысь эшмы.
Ас вордскем палъёсмы сярысь,
Нош но нош тон трос гожъяськод.
Етӥз ужъёс, асьме калыкъёсмы, улонмы сярысь
Лыдӟиськом ас кылын гожъямъёстэ,
Ыштэммы уг пот милям тонэ.
Интернет дуннее но компьютер пыр тон вуиськод.
Кин но уг лыдӟы, дыр, отын тонэ.
Милемлы тонэ лыдӟемзы бере,
Ыстыло отысен шунытэсь кылъёссэс.
Соин но, дыр, ми яратӥськом «Азьланемес».
Тонэ ке киям кутӥсько, мылкыд бурдъяське,
Оскисько, тон уд ышы-быры шуыса, 
Нош но весь азьлань мед кошкод тон, «Азьлане»

Гайсина Светлана
пгт. Балтаси

«Азьлане»... Кыӵе тон матын, кыӵе тон дуно,
Задор кырӟан выллем мылкыдэз бурдъясь.
Ялан азЬлань мынӥськод,
Лек тӧлъёслы пумит сылӥськод.
Арнянуналлэсь вуэмзэ витьыса,
Нош газетмес киямы кутӥськом,
Егитэз но, пересез но
Лыдӟиськом ми тонэ, гажаськом.
Ыркыт тӧл пельтӥз газетмылы,
Удмурт «шӧм» пыӵаз ни мургес.
Кусыпмес ум ыштэ ай, эшъёс,
Макем секыт ке но луизы аръёс.
Ыштонъёс палэнтӥ мед ортчозы,
Сэзь учкы азьпала, инвисэ,
Тон ялан азьлань вамышты,
Ортчоно сюресэд ӵошкыт мед луоз,
Нокыче тӧлъёс медаз люкетэ!

Васильева Галина
Покчи Лӧзя гурт

Туспуктэм: В. Никитин