Пӧламы ӟеч сюлэмо адямиос вань

Пӧламы ӟеч сюлэмо адямиос вань. Тае эшшо огпол валамы. 

— Туж бадӟым тау кылъёс верам потэ «Мегаом» обществолэн кивалтӥсезлы Гафиуллин Раиф Накиповичлы но солэн ужасьёсызлы. Соослэн тыршемзылы луыса Шор Ушмаысь ошмес радэ пыртӥськиз, коркаез выльдӥськиз. Та Акашка праздниклы бадӟым кузьым луиз. 

Лэсьтэм ӟеч ужзы трос полэс ӟечлыкен асьсэлы мед берытскоз, нош выльдӥськем ошмес кема аръёс ӵоже калыкез аслаз юзмыт дун вуэныз шум мед поттоз, — шумпотэмзэс но таукарон мылкыдзэс вуттӥзы Покчи Лӧзя гурт поселениын ужасьёс но интыысь гурт калык.