Туннэ Удмурт кыллэсь нуналзэ пусйиськом!

УДМУРТ КЫЛ

«Чоконое», «мусое»
Вазе мыным анае
«Атай» шуыса удмурт кылын
Мон вазисько атайлы.
Вордскем кылын вераськисько,
Улӥсько нош ӟуч карын.
Вордскем музъем, нянь, мильым -
Верасько анай кылын.
Анаелэн анаез -
Со мынам ӵужанае,
Атаелэн анаез -
со мынам песянае.
Трос кылъёс дунне вылын
Тодэммы уз лу ваньзэ.
Та улонын тужгес кулэ
Вордскем кылдэ тодыны.
Удмуртэн но тон ӟеч тод,
Ӟуч сямен но вольыт тод.
Кыкез ик та кылъёсмы
Огкадесь дуно кылъёс.

***

Дуннеысь тужгес чебер музъем -
Со мынам вордскем музъем.
Дуннеысь тужгес чебер кыл-
Со мынам удмурт кылы.

Вордскем кылын кырӟа ошмес,
Вордскем кылын чирдэ уӵы,
Вордскем кылын ке вазисько,
Вордскем музъем монэ вала.
Вордскем анай-атай кылмы
Вашкала бабай кылмы,
Вакытысен вакытъёсы
Асьме доры вуэм кылмы.
Ум вунэтэ удмурт кылмес,
Утёмы дауръёсын!

Василий Никитин, Карек-Серма гурт.