Азьлане
Улисьялын куасэн ӵошатскизы
Арлы быдэ Улисьял гуртын, Атаймузъемез утисьёслэн нуналзылы сӥзьыса, куасэн бызьылонъя ӵошатсконъёсты радъяло. Туэез ужрад 27-тӥ тулыспалэ ортчиз вал.
Ӵошатсконъёсы 50-лэсь тросгес куасэн бызьылӥсьёс пыриськизы. Соос пӧлын пӧртэм арлыдъем адямиос люкаськизы — самой покчиезлы куасэн ветлӥсьлы ньыль арес вал ке, тужгес арлыдоезлы 70-лэсь тросгес вал ини. Но зэмлык понна вераны кулэ, тросэз соос пӧлысь школаын дышетскись нылпиос луизы.
Куасэн ӵошатскон Улисьялысь, Ципьяысь но мукет бускель гуртъёсысь куасэн ветлӥсьёсты гинэ ӧвӧл, Киров улосысь Малмыж ёросысь, Марий Эл республикаысь Мари-Турек ёросысь спортсменъёсты но люкам вал.
— Мазэ веранэз, Улисьял гуртысь активистъёс ужрадлы котьку пыр-поч дасясько. Отын мыло-кыдо, активной калык улэ. Туэ но ужрадэз, котьку сямен ик, вылӥ уровенен радъязы. Полевой кухнязы вал (шурпа пӧзьтӥзы, табанен, чаен куно каризы). Соин, малпасько, ужрадэ пыриськем котькуд мурт умой мылкыдэн дораз бертэм, дыр, шуыса, — вераз Роман Никитин.
Спонсоръёслэн юрттэменызы («Активист» возёслэн кивалтӥсез Рафиль Закиев, Кугунур гурт поселенилэн главаез Руслан Егоров) спортсменъёсты медальёсын, грамотаосын но коньдонкузьымъёсын (1-3 интыен пусъемъёсты) шумпоттӥзы.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Галерея
Оставляйте реакции
Теги: Улисьял куасэн ӵошатскон
Нет комментариев