Балтачта хәйрия концерты узды

Шушы көннәрдә район мәдәният үзәгендә хәйрия концерты булып үтте. Концерттан җыелган акча мобилизацияләнеп яки контракт белән махсус хәрби операция барган зонада хезмәт итүче егетләргә ярдәмгә юнәлдереләчәк. Чарага килгән һәркем берчә моңланып, берчә сагышланып, берчә дәртләнеп ял итеп утырдылар.

Район мәдәният йорты янында оештырылган «Балкыш» халык җыр һәм бию коллективының җырчылары тамашачыны яраткан җырлары белән, биючеләре төрле биюләре белән, сихри моңнары белән сөендерде, көчле алкышларга күмелде.

Чарага килгән һәркем сугыштагы егетләребезгә ярдәм итәр өчен бәләкәй генә булса да үз өлешен кертте. Ә инде концерт алдыннан фойедагы очрашулар, ихлас күрешүләр, халыкның дуслыгын, бердәмлеген күрсәтте.