«Үз тырышлыгыбыз белән алдык»

Якташларыбыз Алсу һәм Азатр Казанның яңа бистәсеннән фатир алган, дип яза «Кызыл таң».  

Эшләгән кешегә барлык ишекләр дә ачык. Аллаһы Тәгаләгә чиксез рәхмәтләребез, ди җырчы гаилә.

«Бик тыгыз көн булды. Бик зур рәхмәт котлауларыгыз өчен. Лайклар куясыз, язасыз! Без үзебез дә башкаларның эшләре уң булса, нәрсәдер сатып алсалар, шатланабыз. Бу – бумеранг, башкалар өчен шатлансаң, Аллаһы Тәгалә сиңа да бирә. Өч ел элек Алсу белән фатир сатып алган идек. Бүген безгә ачкычлар тапшырдылар. Бик матур урындагы йорт, матур фатир. Алга таба да яңалыкларыбыз булачак әле. Аллаһы Тәгаләгә зур рәхмәт, безгә юл ачканы өчен. Үз тырышлыгыбыз белән алдык», – дип сөйләде Азат.   

Исегезгә төшерәбез, җәй башында гаилә яңа йортларына күченгән иде. 

Фото гаилә архивыннан