Сарымсакны ничек дөрес киптерергә һәм язга кадәр сакларга

Сарымсакны ничек дөрес киптерергә һәм сакларга? Бакчачыларның бу сорауларына яшел блогер Мария Гарапшина җавап бирде.

"Сарымсакны коры һавада алганнан соң, һич кенә дә аны юарга ярамый. Башта алдан киптерергә кирәк, аны караңгы, яхшы җилләтелә торган урында таратырга кирәк. +20-25 градус температурада, туры кояш нурлары эләкмичә, киптерү 14-21 көн дәвам итәргә тиеш. Аннары сабакны 3-5 сантиметр калдырып кисәргә, тамырларны 1 сантиметрга кадәр кыскартырга кирәк», – дип сөйләде Мария Гарапшина.

Аның сүзләренә караганда, әгәр урып-җыюдан соң ук сабакларны һәм тамырларны кисеп алсаң, сарымсак дымны югалта, саклагыч тәңкәләр барлыкка килергә өлгерми, шуннан башлар көпшәкләнә, тиз шиңә, начар саклана.

Челнинские известия