Тузганакны ничек бетерергә?

Тузганакка каршы чәчәк атканчы көрәшү җиңелрәк. Аңа чәчәк атарга ирек бирмәгез, газонны ешрак чабарга кирәк. Газонга зыян салмый, бары тик чүп үләннәрен генә бетерә торган гербицидлар бар. Мондыйларга: “Хакер”, “Прополол”, “Деймос”, “Стоп сорняк” кебекләрне кертеп була. Һәркайсының дозасын сакларга кирәк. Химикатлар белән эшкәрткәннән соң, өч тапкыр чабылган газон үләнен компостка, мүлчәгә салмагыз, кош-кортка бирмәгез.

Тузганак — тирән тамырлы күпьеллык үсемлек. Бер үсемлек сезонга 2-3 тапкыр орлык өлгертә, мамыклы парашютсыман орлыкларын 2-2,5 км га очырта ала.