Юлларда сак булыгыз!

11 гыйнварда, Актаныш районы аша узучы М-7 юлында үлемгә китергән һәлакәт була. Авария ике йөк машинасының маңгайга-маңгай бәрелешүе аркасында килеп чыккан.

ТР Дәүләт автоинспекциясенең беренчел мәгълүматлары буенча, FAW йөк автомобиле йөртүчесе каршы як полосага чыгып, Scania йөк машинасы белән бәрелешкән.

Һәлакәт нәтиҗәсендә FAW шоферы хастаханәгә китерелә, ә аның пассажиры һәлакәт урынында вафат була, дип яза Шәһри Казан.