Казанда бер тәүлектә алты юл-транспорт һәлакәте булган
Алты юл-транспорт һәлакәтендә бер кеше һәлак булган, алты кеше җәрәхәтләнгән
Узган тәүлектә Казанда алты юл-транспорт һәлакәте теркәлгән, нәтиҗәдә бер кеше һәлак булган, тагын алты кеше җәрәхәтләнгән.
Дежур частька юл-транспорт һәлакәте турында барлыгы 158 хәбәр кергән. Аварияләрне рәсмиләштерү үзәкләрендә 75 вакыйга теркәлгән, тагын 24 юл-транспорт һәлакәте матди зыян белән Дәүләт автоинспекциясе хезмәткәрләре урында рәсмиләштергән.
Бер тәүлек эчендә инспекторлар исерек хәлдә биш машина йөртүчене һәм транспорт белән идарә итү хокукына ия булмаган 19 автомобильчене тоткарлаган. Полициянең территориаль бүлекләренә җинаятьләр кылуда шикләнеп өч кешене китергәннәр.
Моннан тыш, административ җаваплылыкка алты мотоцикл йөртүче, шәхси мобильлек чараларыннан бер кулланучы, 36 такси йөртүче һәм пассажирлар йөртүче җиде автобус йөртүче җәлеп ителгән.
Вести Татарстан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев