Россия автомобиль юлларында үлүчеләр санын ике тапкырга киметергә омтылалар

Юл хәрәкәте иминлеген тәэмин итү һәм автомобиль юлларын карап тоту мәсьәләләре буенча Казанда фикер алышу булды.

– Төп максат – автомобиль юлларында үлүчеләр санын киметү. 2030 елга без бу күрсәткечне 2023 ел дәрәҗәсе белән чагыштырганда 1,5 тапкырга, ә 2036 елга – 2 тапкырга киметергә омтылабыз, – дип искәртте Федераль юл агентлыгының автомобиль юлларын эксплуатацияләү идарәсе башлыгы Роман Беккер.

Алда торган эшләр күләме турында сөйләгәндә, «РАДОР» Ассоциациясе генераль директоры Игорь Старыгин ассызыклаганча, төбәк автомобиль юллары өлешендә 2030 елга норматив торыш күрсәткече 60% ка җитәргә тиеш, ә терәк челтәренә керүче юллар һәм эре агломерацияләр юллары 85% ка җитәргә тиеш.

Росавтодор автомобиль юлларын эксплуатацияләү идарәсенең юл хәрәкәтен оештыру бүлеге башлыгы Андрей Полионович төп бурычлар арасында юл хәрәкәте иминлеге, транспорт чаралары һәм транспорт хезмәтләре, шулай ук юл инфраструктурасы өлкәсендә идарәнең нәтиҗәлелеген күтәрүне атады.

Семинарда билгеләп үтелгәнчә, юл инфраструктурасының иминлеген арттыру бурычы кысаларында автомобиль юлларын проектлау, төзү, реконструкцияләү һәм карап тоту таләпләрен актуальләштерү планлаштырыла. Моннан тыш, хәрәкәтне оештыру проектларының яңа мәҗбүри таләпләргә туры килүен тикшерү планлаштырыла, дип хәбәр ителә «Волго-Вятскуправтодор» сайтында.

Вечерняя Казань