Бер татар егетенең Мәскәүдәге фатирга кызыгуы кеше үтерүгә этәргән

3 гыйнвар 2016 - 18:22 Автор:

Ильнур

2659

ТР прокуратурасы хәбәр итүенчә, 31 яшьлек Илгиз Җиһангиров Мәскәүдәге фатир өчен бер гаиләне үтергән.

Ул бер иптәше белән Макаров пистолетыннан хатынга 4 тапкыр, иргә бер тапкыр ата һәм ир-атны каты кыйный. Нәтиҗәдә, аларның икесе дә үлә. Соңрак корбаннарның җинаятьчеләр белән таныш булганлыгы ачыклана. Җиһангиров әлеге гаиләне юк итеп, аларның Мәскәүдәге фатирын һәм җир участогын үзенә рәсмиләштерергә җыенган булган. Әмма аны озакламый тоткарлыйлар.

Моннан тыш, ул тагын алты җинаять кылуын әйтә. Аны 18 елга колониягә утырталар, дип яза матбугат хезмәте.

Фото: www.mk.ru