Әлмәтле сөяркәсен кыйнап үтергән

(Әлмәт, 14 декабрь, "Татар-информ", "Әлмәт таңнары"). Әлмәт шәһәр суды әлмәтлене 7 елга каты режимлы колониягә хөкем итте. Бу турыда җирле басма хәбәр итә.

Фаҗигә 8 Март урамындагы йортларның берсендә була. Хөкем ителүченең сүзләре буенча кәеф-сафа корып утырган вакытта сөяркәсе аны сүгеп түбәнсетә. Алар талашып китә һәм ул берничә тапкыр хатынның башына суга. Каты җәрәхәтләр алу нәтиҗәсендә хатын-кыз идәнгә егыла. Ләкин бераздан үз хәленә кайтып, кабат өстәл артына утыра.

Икенче көнне иртән ир-ат сөяркәсенең гырылдавын ишетеп аны уятырга тотына. Хатынны аңын югалткан хәлдә хастаханәгә илтәләр. Башы каты җәрәхәтләнү сәбәпле, ул хастаханәдә җан биргән.

Фото: pixabay.com/ru

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.