Бер тапкыр бирелә торган пособие хәзер гаиләгә 100 мең сум тәшкил итә
Татарстанда бер үк вакытта өч һәм аннан да күбрәк бала туу сәбәпле гаиләләргә түләүләр арттырылды. Документ нигезендә, берьюлы өч һәм аннан да күбрәк бала туганда бер тапкыр бирелә торган пособие хәзер гаиләгә 100 мең сум тәшкил итә. Элегрәк түләү һәр балага 10 мең сум тәшкил иткән.
Шулай ук бер үк вакытта яшь ярымга кадәрге өч һәм аннан күбрәк бала тәрбияләүче гаиләләргә айлык пособие күләме үзгәртелде. Хәзер ул Татарстанда һәр балага түләү билгеләүне сорап мөрәҗәгать итү датасына билгеләнгән балалар өчен яшәү минимумы күләмен тәшкил итә. Элек пособие һәр балага 1 мең сум тәшкил иткән.
Бер мәртәбә бирелә торган һәм айлык пособиеләр гаиләнең федераль һәм республика норматив актларында каралган башка социаль ярдәм чараларына хокукына бәйсез рәвештә түләнә.
Айлык түләү күләме балалар өчен яшәү минимумы күләме үзгәргән айдан гариза бирмичә генә яңадан исәпләнәчәк. Яңадан санаганнан соң пособие шулай ук белдерелмичә биреләчәк.
Указ 2026 елның 8 сентябрендә имзаланган һәм 2026 елның 1 гыйнварыннан барлыкка килгән хокук мөнәсәбәтләренә кагыла.
Татар-информ
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев