Узган елда Татарстанда яшәүче 12,5 мең кеше үзләрен банкрот дип игълан иткән

Татарстанда соңгы елда 12,5 мең кеше судка үзләрен банкрот дип тану турында гариза биргән. Бу күрсәткеч буенча республика илдә Мәскәүдән, Мәскәү өлкәсеннән, Санкт-Петербургтан һәм Краснодар краеннан кала дүртенче урында тора.

Экспертлар билгеләп үткәнчә, очракларның дүрттән өч өлешендә банкротлык инициаторлары гражданнар үзләре була, ә калганнарында — кредиторлар яки салым органнары.

Судка гаризалар белән ешрак ир-атлар мөрәҗәгать итә. Аларның уртача яше – 45 яшь, ә бурычы уртача 2,5 миллион сум тәшкил итә. Төп бурыч куллану кредитлары, ипотека һәм кредит карталары буенча формалаштырыла.

Татарстан Республикасы юстиция министры урынбасары Максим Боровков сүзләренчә, законда мошенниклардан зыян күргән гражданнарны банкрот дип танырга мөмкинлек бирә торган аерым норма юк. Мөстәкыйль рәвештә аферистларга акча күчергән яки торактан мәхрүм ителгән кешеләр өчен башка суд процедурасы каралган.

Вести Татарстан